BUXTORFIUS Johannes

I.

BUXTORFIUS Johannes

Iunier, Patri in Sparta Orientali successit, Hebraeae linguae in Academ. Basileensi itidem, ut et Theologiae Professor; gloriam Hebraicae eruditionis a Patre acceptam in tantum auxit, ur ab omnium Religionum Sectarumque viris eruditis, Rabbinorum inprimis doctissimis, a Bosphoro usque Thracico et Constantinopoli Imperii Turcici capita, consuleretur, velut commune Europae Oraculum. De quo Robertus Bailius Operis Histor. et Chronol. l. 1. p. 7. Procul omni, inquit, dubiô literarum Hebraicarum quibuscumque mortalibus, seu ex Iudaeis seu Gentibus, callemior est. Obiit A. C. 1664. aetat. 65. Scripsit Lexicon Chaldaico-Syriacum in quart. Dissertationes, Florilegium Hebr. Tractatum de Punctis, Anticriticam contra Capellum, de Sponsalibus et Divortiis, Exercitationes, etc. Paraphrasi Latinâ illustravit More-Nevochim, et Cosri, Concordantias et Lexicon, aliaque a Patente aftecta feliciter absolvit, plurima tandem nondum edita ingenii sublimis monumenta, inter quae Critica, reliquit. Pater Iohannis, Exptaefecti Comit. Farnsbergiae et Senatoris Rei publ. Basil. (quô genitus Iohannes Verbi Dei Minister) ac Iacobi, Paternae Avitaeque gloriae dignissimi heredis, S. Linguae in Basil. Acad. similiter Professoris, de quo hîc infra.

II.

BUXTORFIUS Johannes

Senior, Hammoniâ Westphalus, ex familia inter suos illustri, cum Basileae studiorum causâ degeret, ob eximiam in Hebraica literatura peritiam, S. Linguae huius Cathedrae ibi tum vacanti admotus, spem de se conceptam tam magnifice implevit, ut brevi Rabbinorum Magister, merito audiret, Scripsit, praeter Epitomen Gramm. et Manuale Hebr. Lexicon Hebratco-Chaldaicum, Thesaurum, Grammaticam Chaldaico-Syriacam, Synagogam Iudaicam, Abbreviaturas, cum Bibliotheca Rabbinica, Epistolas Hebr. Praefuit Operi Biblico, cui Tiberiadem adiunxit: Affecit Concordantias, et Lexicon Chaldaico-Rabbinico-thalmudicum, etc. Reliquit Babyloniam, adhuc ἀνέκδοτον. Pater, ex Margateta Curionia, femina nobilissima, Iohannis Iunioris. Obiit A. C. 1629. aetat. 65. Basileae.

Claram Westphalicis Basileam venit ab oris,

Hebraeô Hebraeos qui docet ore loqui.